في ظل الجهود لزيادة المحتوى العربي التقني لابد من الإهتمام بكل الفئات المختلفة من الشعوب العربية و المتحدثين باللغة العربية. من ضمن الجهود دي لازم يوجد جهود تهتم بعمل أدوات مساعدة (assistive technology) زي قارئات الشاشة (screen readers) مفتوحة المصدر, كمان لازم يوجد جهود للإهتمام العام بذوي الاحتياجات المختلفه زي اللي عندهم مشاكل في السمع عن طريق الإهتمام بالتحرير الصحيح للغات توصيف النصوص (Markup Language Semantics) زي التحرير الصحيح للنصوص البديلة للصور (Alternative Text - alt) في لغة زي HTML. الملف ده مش نهائي و يلزمة مشاركات اكتر بكتير من كافة الخبرات العربية الموجودة داخل و خارج الوطن العربي. محتاجين نناقش ايه اللي نقدر نعمله و ازاي نقدر نوصل للإهداف الموجودة و وضع اهداف جديدة.
في وقت كتابة الملف ده و حسب وزارة الصحة بالمملكة العربية السعودية تم تقدير نسب الأكّفّاء وضعاف النظر المتحدثين باللغة العربية او عايشين في الوطن العربي لعام 2010 بما يقرب الـ 12% من نسبة العمى الكلّي في العالم كله, يعني حوالي 5 مليون عايشين في إقليم شرق المتوسط. كمان حسب المكتب الإقليمي لشرق المتوسط لمنظمة الصحة العالمية ان في ما يقدّر بـ 28 شخص في إقليم شرق المتوسط عندهم صمم كلّي. و عشان كده لازم يبقى في جهود اكتر بكتير — بجانب زيادة المحتوى — عشان نقدر نقدم محتوى على شبكة المعلومات (WWW) يمكن الوصول ليه بسهولة عن طريق أي حد بدون تمييز, و بكده يبقى اتحقق اساس من اسس الويب.
المحتوى العربي في حالتة الحالية قليل, عدد الناس اللي بتشارك خبراتها باللغة العربية قليل, و التوجه العام في مجال التقنيات هو الانجليزية. و على الرغم من ان دي حاجة ممكن تتشاف طبيعية إلا انها بتحط المطورين و المتعلمين العرب تحت رحمة خبرتهم في اللغة الإنجليزية, و ده مش عادل — على الاقل في البدايات.
- تقديم محتوى عربي نفخر به
- رفع مستوى جودة المحتوى العربي الموجود
- زيادة التوعية عن وجوب وجود محتوى عربي ذو جودة عالية
- تطوير تقنيات مساعدة أو إعادة تدوير تقنيات موجودة مسبقاً في جهود موّحدة
- زيادة التوعية و جودة التعليم للإهتمام بالتقنيات المساعدة