Семинарска задача по предметот Визуелно програмирање
Семинарската задача ја опфаќа добро познатата игра „Бесилка“. Во класичната игра целта е да се погодат сите букви од зборот / зборовите за да се победи, или во спротива, се „беси“ човечето. Тоа му дава на играчот шанса од 5 погрешени букви за да го открие целиот збор без да биде обесен.
Во овој случај, ние ја имплементираме играта скоро исто како класичната. Разликата е во тоа што на играчот му даваме шанса да избере кој карактер може да го „беси“ доколку погреши некоја буква. Изборот се сведува на 8 професори од Факултетот за информатички науки и компјутерско инженерство.
Играта е изработена во програмскиот јазик C#. Се состои од четири прозори (форми). Главната форма (првата форма) е главното мени каде се гледаат четири можни опции:
- Start new game – копче за почеток на игра
- Highscores – копче за информации за осцоени поени
- About – копче за информации за креторите на играта
- Exit – копче за излез од играта
Со кликннување на опцијата START NEW GAME се отвара втората форма каде се прави изборот на каратктерот кој ќе се „беси“, односно ликот од еден од осумте професори од ФИНКИ. Исто така овозможени се и две копчиња EXIT и BACK со кои му се дава избор на играчот да се врати назад во главното мени, или пак излез од самата игра.
Со кликнување на ликот на саканиот професор играта започнува во нов прозорец. Тука може да се види класичниот дизајн на бесилката, каде ќе се „беси“ карактерот со секоја погрешена буква.
Во долниот предел на прозорецот се гледаат празните цртички кои се заменуваат со букви, доколку играчот погоди буква од зборот / зборовите. Се разбира доколку играчот погреши некоја буква, прво се исцртува главата на избраниот професор, а потоа и останатите делови од телото. За да биде малце позабавна и поинтересна играта, телото на професорите е всушност човечки скелет.
Доколку играчот успее да ги погоди сите букви од зборот се отвара нов прозорец каде се прикажани освоените понеи, и каде има празно поле за внесување на името на играчот, како би се зачувал резултатот во делот HIGHSCORES.
Со внесување на името на играчот, и кликнување на копчето OK, играта аутоматски го враќа играчот во главното мени. И во овој прозорец е овозможено копчето EXIT.
Да се вратиме назад на првиот прозорец. Доколку играчот сака да провери кои резултати се зачувани во играта, може да кликне на копчето HIGHSCORES. Со кликнување на ова копче, се отвара листата која ги соджри сите зачувани резултати, сортирани по опаѓачки редослед.
Исто така доколку играчот сака, овозможено му е да ја избрише целата листа со поени, со помош на копчето CLEAR. Во случај листата веќе да е празна, тоа копче е оневозможено.
Последната опција од главното мени е опцијата ABOUT. Тука може да се видат информациите за креаторите на играта.
Најголемиот проблем во играта беше да се овозможи исцртувањето на цртичките, и нивната замена со букви бидејќи секој збор / зборови има различен број на букви. За разлика од сликичките за деловите на телото на карактерот и некои од копчињата, кои во зависност од моменталната ситуација се кријат или покажуваат со функцијата .Hide() или .Show(), кај буквите тоа не беше возможно.
Проблемот го решивме така што направивме мала база на податоци, во која се чуваат професорите во одделна табела, и за секој се чуваат одделени зоборови. Исто така во базата се чуваат и податоците за поените на играчите. Речиси целата функционалност на играта е овозможена во формата GAME. Конкретно за проблемот со буквите, направивме две листи од „PictureBox“ во кои се содржат цртичките и буквите на моменталниот збор кој е избран од базата случајно.
Цртичките:
// Picture Start
PictureBox tmpPicure = new PictureBox();
tmpPicure.Size = new Size(40, 40);
tmpPicure.Location = new Point(380 + i * 35, 400);
tmpPicure.Image = Image.FromFile(@"Letters\_.png");
tmpPicure.BackColor = System.Drawing.Color.Transparent;
tmpPicure.Show();
picturesStart.Add(tmpPicure);
this.Controls.Add(tmpPicure);
Буквите:
// Picture
PictureBox realPicture = new PictureBox();
realPicture.Size = new Size(40, 40);
realPicture.Location = new Point(380 + i * 35, 400)
realPicture.BackColor = System.Drawing.Color.Transparent;
realPicture.Hide();
string location = @"Letters\" + choosenWord[i] + ".png";
realPicture.Image = Image.FromFile(location);
pictures.Add(realPicture);
this.Controls.Add(realPicture);
Во функцијата Game_KeyPress каде се детектира притискањето на копче, со помош на FOR циклус се врши проверката на тоа дали притиснатото копче е содржано во зборот, и доколку е се врши замената на цртичката со буква.
for (int i = 0; i < choosenWord.Length; i++)
{
if (choosenWord[i] == tmpKey)
{
found = true;
pictures[i].Show();
picturesStart[i].Hide();
}
}
Во истата функција се врши и пресметката на поени освоени на играчот со секоја точно погодена буква.
Јован Самарџиски бр. на индекс 111183
Димитар Стојчев бр. на индекс 111214