Doggol kelmeendi Pulaar-Fulfulde
Musiɗɓe tedduɓe, Ndee-ɗoo fiilde ko fiilde kelme ndoɓindaaɗe e binndanɗe keewɗe ngam mahde doggol kelme ɗemngal Pulaar-Fulfulde. Ngool doggol woni nafoore mum ko heɓde kelme kala kuutorteeɗe e Pulaar-Fulfulde, waɗa-ɗe e deggondiral abajadaa ngam naatndeede e topirɗe peewnirɗe caggitorɗe, caatorɗe mbinndii, basiyorɗe binndi e geɗe goɗɗe. Doggol ngol noon laaɓaani sabu ena heewi geɗe ɗe ngonaa Pulaar-Fulfulde walla tawa ena ko ŋakkuɗe to bannge mbinndiin.
Renndo ngoo fof ena ñaagaa yoo wallu en tennude doggol ngol ngam yaltinde heen kala ko wonaa Pulaar-Fulfulde! Kala nde ngogi-ɗaa yaajeende seeɗa, aɗa waawi arde ɗoo, tennaa doggol ngol. So a hawrii e helmere farayseere, engeleere walla ɗemngal goɗngal, momtaa nde. So a hawrii e helmere Pulaar nde winndiraaka no haanirta, hoto momtu, saato! Reeno koy: sahaaji aɗa hawra e kelme caltuɗe goɗɗe ɗee tawa mbinndiin oo wonaa gootun, cikkaa ko njomu.
- Yeru: ngoomu, mbatu, Pular; fof ena selli hay so wonaa ko Fuuta-Tooro heewi huutoraade.
Caltuɗe goɗɗe ɗee kadi maa njiy ɗoo ko nanndaani e ko no mbinndirta, kono haa jooni wonaa joɓɓi. Kala ɗo neɗɗo sikkitii, too waɗ ɗoon maantoode yeeso helmere ndee:
- yeru: yahuki, bowlooɓe
So on kawrii e helmere ena waɗi alkulal walla alkule ɗe ngalaa e Pulaar, wano &éèàóqë... ekn oɗon mbaawi waɗde hoodere yeeso helmere ndee:
- yeru: jàpp, addudé
En paami ndeke tennugol doggol ngol ko yiytude kala ko wonaa heen helmere Pulaar-Fulfulde faamotoonde ngam zum waawa momteede. Kono momtugol ngol ko ga amen gaay waɗetee sabu ɓuri hisde. Kala ko maantoraa * ma min ƴeewto so ena foti saateede, wayleede walla, ɗo wattan ɗoo momteede.