Tiu ĉi paĝo kolektas kantojn en Esperanto, kutime kantataj en Renkontiĝo de Esperantistaj Familioj.
La celo de tiu ĉi paĝaro estas havi centran lokon, en kiu eblas kolekti fidindan version de la kantaro uzata en la ĉiujara Renkontiĝo de Esperantistaj Familioj. Kompreneble ankaŭ eblas uzi la kantaron aliloke kaj alicele.
La ideo estis aprobita en la REF 2019 en Mühlhausen. La unuan presita version REF uzis en 2024 en Geyer.
Por mastrumi la kantojn en tekstdosieroj, ni uzas la liberan programon LilyPond, kiu ankaŭ estas disponebla por pluraj operaciumaj sistemoj.
Ni volas traduki kaj plibonigi la ekzistantajn priskribojn de kantoj (teksto + melodio) de Word al LilyPond kaj aldoni novajn kantojn.
Unua paŝo por kontribui al tiu ĉi kantaro estas kreado de konto ĉe github. Vi ne bezonas profundajn sciojn pri git por helpi. Malgrandajn korektojn vi ankaŭ povas fari simple per retumilo, se vi komprenas kie estas la teksto en kanto kaj kie la melodio. Ĉio troviĝas en tekstdosieroj. Por kontroli, ĉu io daŭre funkcias, vi povas mane kopii la tekston al programo kiel Frescobaldi instalita sur via loka komputilo.
Kantoj en REF konsistas ĝenerale el du partoj: teksto kaj melodio. Foje aldoniĝas ankoraŭ gestoj aŭ movoj.
Por kantoj, kiuj ankoraŭ ne haveblas ĉi-tie, vi povas aldoni tekston ankaŭ sen melodio. Simple rigardu en la kantaro, kiu kanto estas laŭ enpaĝigo simila al via, tiam trovu la tekstdosieron kiu enhavas ĝin. Kopiu ĝin kaj savu ĝin per alia nomo kaj poste ŝanĝu la dosieron tiel ke ĝi enhavas nur vian kanton (do forigu la malnovan tekston kaj enmetu vian novan en la ĝustajn lokojn). Melodion iu alia povas poste aldoni, kaze ke vi ne povas/volas tion fari.
Certe en iuj kantoj estas tajperaroj aŭ lingvaj plibonigindaĵoj. Tajperarojn vi povas tuj korekti, ekz. per la retumila interfaco. Pri lingvo, indus unue malfermi diskuton ("issue") por iom pridiskuti la aferon.
Por multaj kantoj el la REF-kantaro, la melodio ankoraŭ ne estas dokumentita.
Vi povas helpi simple notante la melodion de kanto sur nota papero, skani aŭ foti tion kaj krei novan diskuton ("issue") aldonante la dosieron. Ofte ankaŭ la notoj de tradukitaj kantoj estas troveblaj en interreto por alia lingvo kaj vi povus aldoni ligilon tien. Tiam iu alia povas traduki la melodion en la lilypond-lingvon kaj ankaŭ aldoni la tekston.
Kaze ke vi ne certas pri notoj de la kanto kaj nenio troveblas jam en interreto, vi povas ankaŭ registri vian voĉon kantantan la koncernan kanton.
La gestoj de movkantoj estas ankoraŭ nenie dokumentitaj. Vi povas krei fotojn aŭ filmeton, kiu dokumentas la gestojn por iu kanto. Tion oni povas poste ligi en la koncerna dosierujo.
Por krei novajn kantojn, necesas fine aldoni tekstdosieron al tiu ĉi retdosierujo. La tekstdosiero estu senerare kompilebla per LilyPond.
Por atingi tion, vi havas plurajn opciojn:
- La facila opcio estas uzi la retan, senpagan servon lilybin.
- La iom pli malfacila opcio estas instali LilyPond sur via komputilo. Por redakti, ni rekomendas la senpagan programon frescobaldi, kiu haveblas por linukso, vindozo, kaj makoso.
- La plej malfacila opcio estas instali LilyPond kaj simple uzi normalan tekstredaktilon kiel vim, emacs aŭ notepad. Sed ankaŭ tio funkcias fidinde.
Entajpi notojn vide (WYSIWYG) eblas per scorio. Per tabulkomputilo tion scias fari eĉ infano. Sufiĉas registriĝi por la senpaga konto kaj en la fino uzi el la menuo File – Export – LilyPond.
Por pli amplekse kunlabori kaj aldoni dosierojn, necesas instali git sur sia komputilo. Vi povas tiam elŝuti ĉiujn dosierojn sur vian komputilon helpe de
git clone git@github.com:kantaranoj/kantaro.git
Por komencantoj pri git, ni rekomendas uzi la grafikan interfacon git gui sekve:
- Elŝutu kaj instalu git de https://git-scm.com/downloads
- Agordu bazajn informojn pri vi: nomo kaj retpoŝtadreso
- Uzu
git guipor preni kaj aldoni dosierojn